اختبار ارامكو cpc ساعدووني

[بقاس]

السلام عليكم ورحمة الله وبركاته

شباب تكفون ساعدوني انا بقدم ان شاء الله على ارامكو وابي البعثه cpc والحمدلله درجاتي تسمحلي ادخلها بس المشكله عندهم اختبار رياضيات وانجلزي
وابي حل وش اذاكر عشان انجح في اختبارهم ووش الدورات الي تدرب الواحد على اختبارات cpc علما انا ساكن في الرياض
بليييييييييييز ساعدوني واذا فيه نصايح لاتبخلون علي لاهنتم

[بقاس]

وينكم :( بليييز ياعدوووني لاهنتم

[حربي ومين قدي]

يابقاس ياحبيب اللبي باذن الله سابك بانتظارك

[قدرآتي عاليه ~]

حححلمي سي بي سي .. لكن مثلك مآعرف اي شي عن الاختبآر .. ي رب نصصير فيه <3

وهذآ رابط موقع سسآبك بدأ فيه اللتسجيل

http://85.158.165.137/ContinuousLear...ionPeriod.aspx


االله يوفقناا جميعا .. ودعواتككم :)

[الزعيم الازرق]

هذا رابط لاختبار التدرج


http://www.nadialsalam.com/?act=artc&id=1082

[azooz aljohani]

يـالله نفس حلمي سي بي سي
الله يكتبلنا الي فيه خير
وفيه ملفات ع يزيد تفيدك
بس ودي اعرف شروط سابك العام هيا نفسها السنه هذي..؟
ولا ارتفعت

[شعاع الامل]

وعليكم السلام ورحمة الله وبركاته


سأتكلم معكم كخبرتي في أختبارات أرامكو ...


الصراحة هي تهتم في اللغة الإنجليزية في الاختبار أكثر من الرياضيات ...
لذلك إذا كنت ناوي تدخلها ... فعليك بتقوية نفسك بشكل قوي في الإنجليزية ...

[بقاس]

وينكم ياهل الخبره ياليت تساعدووووووووووووووووونا

[TxXxT]

شعاااع ..

شاااكر لك ردك ..

لكن لو سمحت ممكن معلومات اكثر .. طبيعة الاختبار .. مستوى الاختبار بشكل عام

اي معلوومة تفيد .. جزاك الله الف خير

[شعاع الامل]

شعاااع ..

شاااكر لك ردك ..

لكن لو سمحت ممكن معلومات اكثر .. طبيعة الاختبار .. مستوى الاختبار بشكل عام

اي معلوومة تفيد .. جزاك الله الف خير

أنا ما أختبرت أختبار برنامج الابتعاث ولكن أختبار آخر لهم ...


..:: بالنسبة للرياضيات ::..
فالاختبار جداً سهل ... فإذا كنت كويس في الثانوية .. راح تبدع في الاختبار ...
ووقت الاختبار جداً أطول من وقت حل الأسئلة ....
ولكن يجب تتقن القسمة المطوله وهكذا .. ولكن أعتقد أن قياس ما قصر معاك ...ههههه
خلاك تتقن كل هذه الأشياء ...
وأتذكر سؤال وهو كيف تحول من الدرجة المئوية إلى الفهرنهايتية ولكن لأن الاختبار رياضيات يعطونك القانون .... ولكن أتذكر قانونهم يحتاج مشوار في الحل وأنا كنت توني مخلص فيزياء من المدرسه ... وحليته بقانون مختصر على السريع ولا أستخدمت قانونهم ... ويعطونك أيضاً قبل الاختبار قلم رصاص وورقة ... علشان المسوده ...


..// بالنسبة للإنجليزي //..
الاختبار نفس الاختبارات المعروفة في المعاهد الدراسية اللي تدخلها للدراسة ... فهو لتحديد مستواك ...
وإذا كنت تتكلم بطلاقة في الإنجليزية ... فراح تبدع في الإنجليزية ...
والاختبار سهل ولكن في القواعد يجب تتعب شوي ولكن القواعد مو عميقة .. أما القطع لهم فهي سهله ...
لأن في أغلب قطعهم الإجابة تستخرجه نسخ ولصق من القطعه ...


أما طريقة الاختبار فهي خيارات أ و ب و ج و د ... A or B or C or D >>
والرياضيات أتذكر إذا مانسيت خيروني إذا تبيه عربي ولا إنجليزي ...