اتمنى من كل قلبي تساعدوني رجيتكم

[Anwar Mohammed]

السلام عليكم والرحمة الله وبركاته
معكم طالبة انوار ثالث علمي اتخذت تجربه اولى ف القياس
ودخلت معهد وذاكرت من كل قلبي للكن قدر الله وماشاء فعله وجبت نتيجتي 54 ف قياس الأول وربي ضاق صدري وتعبت
وبكيت من القهر بس الحمد الله ع كل خير
اتمنى اتمنى اتمنى من كل شخص جاب نتيجه حلوه في القدرات
يفيدني بروابط او كتب الله يخليكم ساعدوني والله محتاجه
ابغى اجيب اقل اقل اقل شئ 70 في قياس واختباري الجاي هذا الخميس يوافق 15|6 او 14|6
اتمنى والأجر لي ولكم تكفوووووووووووون ساعدوني رجيتكم
واتمنى تدعون لي تكفون
والصلاة والسلام ع افضل الأنبياء محمد صلى الله عليه وسلم

[Dr.Afnan]

-

وعليكم السسلام ورحمة الله و بركاته ~

يا أهلاً حبيبتي :*
خيرٌ إن شاء الله - الحمدلله على كل ششي :*

شدي حيلك دا الأسبوع مرا ، ح أرسلك روابط عالخاص إن شاء الله تستفيدي منها :*

الله يوفقك و يرزقك الدرجة اللي تبيها

[الطالبة مها]

-أول شي ادخلي قسم القدرات (اللفظي والكمي) في منتديات البابطين وفي منتديات يزيد وشوفي المواضيع المثبته بتساعدك كثير.

- حاولي تحملين تجميعات أسئلة السنوات الماضية وتمرني عليها (مو شرط كلها اللي تقدرين عليه) ثم شوفي وين النقص فيه وأنتِ تحلين وتعالي هنا والمنتدى ماراح يقصر بالإستفسارات بإذن الله.

أهم شي مرني نفسك في حل المسائل وافهمي أفكار القسم اللفظي

والله يساعدك ويساعدنا ونحقق طموحاتنا..

[Rawan.A.H]

انا نفسك بثالث ثانوي واختباري الخميس هذا

واختباري الأول ماعجبتني درجتي ابدا ، لكن الحمدلله ان لنا فرصه ثانيه


بس نصيحه !

ابدي بالتجميعات + كتاب قياس 1 لأن البابطين دايم يتكلم عنه + الأسأله التجريبيه وهذي السنه فيه أسأله جت للبنين منها + التدريب على المسائل من اي موقع


واضيفي البابطين بالتويتر احيانا ينزل أسأله تفييييدك وينزل حل كل سؤال وفيه ناس بعد يجاوبون معاه راح تتحمسين مرره للحل

وتوكلي على ربك فمن توكل على الله فهو حسبه

[عابرة سبيل]

نفس مشكلتك أختي
أبي أرفع درجتي في القدرات
الله يوفقنا

[همايس]

حححببييبتي لا تتأزمين
الحمد الله على كل ححال
الاغلب مو راضي عن درجته
لكن الله المستعااان
شدي حيلك انت
وعليك بالمنتدى هناا جججدا مفيد
انا بس دخلت دورة مدتها اسبوعين ومو ذيك الفايدة
اكثر شي استفدت منه المنتدى هنا
واذا عندك اسئلة طرحيها وهنا الاعضاء م يقصرون كلنا نتناقش معك
حاولي تحفضين الاختصرات لحل المسائل
موجود كثير منها هنا مثل الحل بالتدرج المنتظم و التناسبات وغيرهاا
وبالنسبة للفظي انا الي رفع نسبتي فيه هو القران الكريم لان في معاني كثيرة من القران
اذا كنت دوم تقرين قران بفهم وتركيز بتعدين ان شاء الله
واذا في اي شي صعب سسدحيه هنااا ولا يصير خاطرك الا طيب

الله يووفقك ان ششاء الله
ويرفع درجاتك بالدنيا والاخرة ان شاء الله

[أسماء الشهراني]

طالما ما بقي على الاختبار الا ست ايام

فأنصحك تذاكرين تجميعات وخصوصا ١٤٣٣ اولاد و١٤٣٤ اولاد

مذاكرة بتركيز وفهم طريقة كل سؤال لانه اغلب الاسئلة لها نفس الفكرة

واستعيني بالله

والله يوفقنا ويجعلنا يا رب نتجاوز ال ٩٥ في القدرات والتحصيلي يارب

[احمد الشمري]

انا الحمد لله اعتمدت على التجميعات وكانت نتيجتي عاليه ولله الحمد
انصحك بالتجميعات فان الاسئله لن تخرج عنها ابد
وايضا ركزي على ااخر اختبار للبنين فان الاسئله
لن تخرج منه خاصه ان مركز قياس منع نشرها في المنتديات واعتقادي انهم يريدون تكرار اسئله الاولاد للبنات كما حصل في الاختبار الاخير للبنات حيث كانت اسئلة البنات مطابقه بنسبه 90 % للاولاد
وفقك الله اختي ...

[mirinoxd]

انا زيك اختباري الخميس

وانصحك تدخلي موقعهم الخاص حق قياس
هناك حاطين امثلة تدريبية و اختبارات تجريبيه
دي الاتنين ادخليها وحليها وككل شي و شوفي الاجابات الصحيحة
انا اقولك في اختباري الي فات اختبرت ثاني يوم (خميس) و اللفظي جاني نفس الي في الاختبارات التجريبية نسخ لصق
نفس القطعتين بالزبط و كم سؤال كمان جوني منها
كمان لو عندك كتب فهد بابطين امسكيها راح تفيدك انا اختباري الي فات مسكت قبول و دي المرة بمسك قياس

[lamo0osha]

السلام عليكم ورحمه الله

أهلا اختي
انا ذاكرت من كتاب قياس1 + وأسئله الاولاد هالسنه + بعض التجميعات من النت
وانا الحين قاعده اشتغل في نفسي لاني ابي درجه أعلى ورح اذاكر بإذن الله من التجميعات والاسئله التجريبيه
وانصحك بالاسئله التجريبيه لانو جا منها بعض الاشياء
واتمنى لك الدرجه الي تتمنينها لك وللجميع يا رب
بالتوفيق

[Anwar Mohammed]

اشكر كل من رد جعلكم ان شاء الله بالجنه البارده
جميعكم قلتو تجميعات فين اقدر اذاكر منها ممكن تعطوني روابط او ترشدوني ؟
وبالنسبه للأختبارات التجربيه تقدرون تقلون نسيت اسمي من كثر م اذاكر منها
واشكركم جممممميعا جعل مناكم يتحقق ويارب اجيب درجه اللي استحقها
الله يسعدكم يارب