خيتو اوك انتي قلتي تجربتك و ان شاء الله نستفيد
لكن بقولك عني انا ذاكرت حضرت دورات اجتهدت
اخرشيء جبت 64 قوليلي انتحر ولا اشقق ملابسي
و ناس وربي ما فتحوا ولا كتاب و مستواهم اقل من مستواي جابوا 80 و 70
طيب وش الحل قوليلي
حظ ولا ايش
اذا كان على الحظ انا حظي طايييييييييييح للاسف
بس ما قول الا الله يعوضني
بعد ما كان في بالي طموح كبيــــــــــر
وربي لما شفت الدرجه تحطم كل شيء
حسيت ان الدنيا قفلت ابوابها بوجهي
كرهت نفسي
قال قدرات قال
مالت عليهم
....................................؟
كلامك جميل جدا
وكل ما قدره الله فيه خير وبركة
احمدوا الله واشكروه
وواصلوا على الاستعداد مره اخرى
اكيد كل منا عرف اخطاءه اللي صارت له
فهذه فرصة حتى نتعلم ونعدل الخطأ
انا متاكدة باذن الله ان الكل بيكون قادر
على الحصول على اعلى الدرجات
معاك ٍ حق والله ..
بس أنا بنظري ان القدرات من اسمها قدره تختلف من شخص لاخر
ولا تعتمد على المذاكره بمعنى انا اعرف وحده ما ذاكرت وجابت فوق 80
وناس تعبت وجابت 60
انا موقصدي احطم احد بس هذي قدره وهبها الله تختلف من شخص لاخر
لكن هذا مايمنع الاستعداد وبذل الاسباب=)
::
مشكوووره شتآآن
جزاك الله خير
موضوعك يبعث التفاائل
صح اني تحطمت من درجتي خصوصا بالكمي
ان شاء الله اني ابذل جهد اكبر
واحصل على الدرجه الي اتمناها
يعطيك العافيه
شكرا على طرحك الهادف
ضيوعه حبيبتي تصدقين ماشفتك الا في موضوعين بس هذا والثاني اللي في العام وعرفتك وعرفت بعض من شخصيتك يَ حلوه لاتسمعين كلام الناس صدقيني مو القدرات اللي مضيعك كلام الناس وتشتيتهم لك الله يوفقك يَ عسل
السلام عليكم ورحمة الله وبركآته .: كيف حآلكم يَ حلوين ؟!
بصراحه هالموضوع كان ودي اني منزلته في يوم النتايج بس قدر الله وماشاء فعل . . بالبدايه حبيت أبارك لكم بالنتايج سواء كانت مرضيه او غير مرضيه . كثير منكم يشتكي من سوء الدرجه او انه حل واعطى كل مافيه وبالنهايه درجته مانالت اعجابه بصراحه بصراحه درجاتكم اغلبها بـ 60 والـ 70 بوقتي فيه ناس جابت 100 واغلبهم 80و90 انا مااقول انكم كسلانين او الومكم بالعكس فيه ناس ذاكرت وشدت حيلها الهدف من موضوعي انكم تريحون اعصابكم شوي وتركزون معاي في كل كلمه اقولها لانها من جد هالكلام طالع من قلبي ومن تجربتي الخاصه الحمدلله اختبرت وخلصت ليه ماأنفع غيري ..
أول شي انتم الحين اختبرتوا وخلصتوا ونزلت النتايج اللي ضحك واللي بكآ واللي زعلى على درجته يَ حبايبي هذآ أول إختبار وتجريبي لكم أنا يوم دريت عن الاختبار شديت حيلي قدر استطاعتي ليه ؟! حطيت ببالي اني راح اشوف قدرتي كيف؟! ووين نقطة ضعفي ؟ وهل لازم اني اشد حيلي اكثر او لا عند عدم حلَي اين الخلل ؟ وين الجانب اللي نقصت منه ؟ الحمدلله طلعت درجتي وهي حسب المتوقع مارحت عذبت نفسي وذاكرت اشياء كثيره وبعيده عن اسئلة الامتحان وتعبت نفسي تعب يمكن بالاختبار الثاني واللي هو الاساسي ماراح اسويه بالعكس جهدي متوسط وعلى حسب استطاعتي .
الحين اللي عليكم كلكم تروحون وتشوفون اي الجزئين اقل وماتحطون في بالكم ان درجتك مو كويسه وتتحطمون وخلاص مافي امل اجيب اعلى و و و لا بالعكس الحين عرفتي الاختبار وكيف شكله **ابدي ذاكري وشدي حيلك ولاتنتظرين مايبقى على الاختبار غير شهر او اسبوع وتروحين تضغطين على نفسك :127: ** ابدأي من الصفر مو تاخذين لك كتب كبيره وانتي مو مره في الاساسيات أسسي نفسك صح من جميع النواحي . بعد ماتحسين انك خلاص تأسستي وتدربتي كثير ابدي ذاكري كتب مبسطه وسهله مثل قدرات بعد ماتخلصينها وتحسين انك عرفتي كل شيء فيها ولو يجيك سؤال منها راح تعرفين تحلينه توسعي شوي بالكتب خوذي لك رام وخوذي كذا كتاب :127: اذا حسيتي نفسك راح تضيعين وتتشتتين لاتكثرين كتب تدربي كثير الاسئله والتدريبات ترسخ المعلومات صدقيني :-565dd048cc: في هذي المرحله انتي كملتي 85% من المذاكره والباقي عليك تذاكرين التجميعات .. بعد ماتخلصين التجميعات بإذن الواحد الأحد راح تكونين انتهيتي بشكل جيد من المذاكره اما طريقة المذاكره وكيف تذاكرين ؟! اذا بتبدين من الآن كل يوم خصصي له ساعتين اقل شيء
كآفئ نفسك . لاتذاكرين وانتي مغصوبه وتعبانه ومالك خلق
اعتبري المذاكره تنشيط لخلاياك ..
هاه الحين بشروا ان شاء الله ارتحتوا !؟:127:
** اللي لها هدف بحياتها وناويه تحققه أو مااعجبتها درجتها من جد مو بس تقلد الناس تقول انا درجتي مااعجبتني وهي اصلا ماشدت حيلها ولافكرت بشيء ! راح تاخذ موضوعي هذا بعين الاعتبار وراح تطبق من اليوم يمكن بعضكم مايعرف يذاكر للقدرات او ماعنده احد يوجهه ويعلمه او ماعنده احد يعطيه من نصايحه :127: بس هذآ انا انصحكم وادلًكم للطريق الصحيح لنيل اعلى درجه في الاختبار :127: إذا عندكم سؤال او استفسار اطرحوه هنا او ارسلوا لي وباذن الله اقدر اساعدكم
أسأل الله العلي القدير ان يوفقكم ويسهل امركم وينير بالعلم طريقكم إنه على كل شيء قدير :127:
اترك تعليق: