الموضوع: الله يعآفيكم ..
عرض مشاركة واحدة
  #1  
قديم 02-20-2011, 09:17 PM
Lama Lama غير متواجد حالياً
عـضـو
 
تاريخ التسجيل: Feb 2011
المشاركات: 56
بمعدل : 0.02 يومياً
شكراً: 0
تم شكره 0 مرة في 0 مشاركة
Lama is on a distinguished road
افتراضي الله يعآفيكم ..

http://www.s00w.com/up/uploads/images/s00w-d181e9c60c.gif

http://test-q.com/up/uploads/test-q13465293701.gif

 


السلام عليكم ورحمة الله وبركاته

عندي اسئلة

تراني على الله ثم عليكم =)

القوانين المتعلقه بمساحة و محيط الاشكال الثانويه مو الرئيسيه

يعني زي شبه المنحرف و الاسطوانه و الكره و المنشور .. الخ

لازم احفظها =( !!!

اما قوانين الأشكال الرئيسيه زي الدائره و المربع و المستطيل و المثلث ومتوازي مستطيلات هذي حافظتها

لكن الاشكال اللي ذكرتها قبل شوي يعني قوانينها كثيره

لا و فيه شي مساحه جانبيه و شي كليه يعني شي بصراحه يفك المخ ×_____×

صعب بصاحه حفظها ×______________×

وش رايكم !!

+

عندي اسئلة بعضها ابي اتأكد من الحل و بعضها ابي اعرف طريقة الحل

س : مثلث قائم الزاوية اطوال اضلاعه 3 سم ، 3سم ، س فكم س ؟

نقول بما ان المثلث قائم الزاوية و طولا ضلعيه متطابقان اذا هو مثلث خمس و اربعيني

و س هو عباره عن الوتر و طول الوتر هو عباره عن [ طول احد الضلعين × جذر 2 ]

اي طول الوتر س = 3 جذر 2

هنا بغيت استفسر عن القانون يعني صحيح هذا القانون !!!

و ثابت !!! انا اسأل لاني احس القانون مره جديد علي حتى بالدراسه ايام الابتدائي و المتوسط يعني ايام التأسس ما اذكر درسنا شي كذا !!

بس بغيت اتأكد صح كذا الحل و القانون صح و لا لا !! هالقانون قريته بكتاب حق قدرات

بس مو للمنتدى ولا استاذ فهد لا شي ثاني بس المهم بغيت اتأكد ..

و عندي نفس السؤال لكن على المثلث القائم الثلاثيني الستيني

مكتوب بالكتاب انه طول الوتر = [ طول الضلع المقابل للزاوية 30 × 2 ]

صحيح هالقانون كذا !!

يعني مثال ..

س: اذا كان 7 سم طول الضلع المقابل للزاوية 30 في مثلث قائم الزاوية فكم طول الوتر ؟

بما ان المثلث قائم ثلاثيني ستيني اذا طول الوتر = طول الضلع المقابل للزاوية 30 × 2

اي ان طول الوتر = 7 × 2 = 14 سم

كذا صح !!

.........

فيه قانونين متشابهين فيما يخص بالمضلع

مجموع زوايا المضلع الداخليه = ( ن - 2 ) × 180

مجموع زوايا المضلع المنتظم الداخليه = ( ن -2 ) × 180 / ن

انا عرفت كيف اطبق لكن السؤال انه لما يعطيني مسألة معينه و يقول لي احسبي

مجموع زوايا المضلع كيف اعرف هل منتظم ولا لا !!!

ولا لازم هو يكتب لي بالمسأله !!

طيب فرضا كانت المسأله عباره عن رسمه ولا قال يعني كتابةً انه منتظم ولا مو منتظم

كيف استنتج من الرسمه منتظم ولا غير منتظم !!

...................

س : يستغرق محمد 10 ساعات للسفر من الخبر إلى مكة المكرمة بسرعة 140 كم /ساعه فكم من الوقت يحتاج اذا كان يسير بسرعة 100 كم/ ساعه ؟

يطلع الجواب 14 ساعه صح !!

الحل :

10 ___________ 140

س __________100

و ضربت بشكل افقي لان العلاقه علاقه عكسيه وليست طرديه

يعني س = 10 × 140 / 100 = 14 ساعه صح !!

.................

كل 3 اقدام تساوي 91 سم فكم تساوي 10 اقدام ؟

أ ) 30.3 سم

ب ) 303.3 سم

ج) 330.3 سم

د) 33.3 سم

حلوه لي يا جماعه احسه سهل بس مدري كيف ما عرفت احل

لاني ما قدرت اختصر 91 على 3 =( عشان اطلع القدم الواحد كم يساوي و بعدين اضرب ب 10

بس ما عرفت اختصر =( ياليت تعطوني الحل و شرح الطريقه

.............

س: سعر 3 صناديق من الطماطم البلدي يوازي سعر 5 صناديق من الطماطم المستورد كم صندوق من الطماطم البلدي استطيع ان اشتري اذا كان لدي قيمة 25 صندوق من الطماطم المستورد ؟

بيطلع الجواب 15 صندوق صح !!

سويت طريقة الاستاذ فهد البابطين

3 بلدي ________ 5 مستورد

س _______25

نلاحظ العلاقه بين الصفين الضرب في 5

اذن نضرب الطرفين للصف الاول ب 5

يصبح

15 بلدي _______ 25 مستورد

صح كذا !!

...........

س : سار سعيد بسرعة 120 كم/ في الثلاث ساعات الاولى و بسرعة 80 كم في الساعه الرابعه فما معدل سرعته خلال الرحله ؟

أ) 70 كم/ساعه
ب)80 كم /ساعه
ج)110 كم/ساعه
د)120كم/ساعه

انا قلت 120 كم/ساعه

الحل :

120 / 3 + 1/80 =120

انا قسمت 120 على 3 لانه قال بسرعة 120 كم في الثلاث ساعات و قسمت 80 على واحد لانه قال بسرعة 80 بالسرعه الرابعه يعني بساعه وحده صح ولا لا !!

..

س: ماهو معدل الاعداد { 3،2،1 ،4 ،.... 23 }

أ)1
ب)12
ج)23
د)32

قلت المعدل ( المتوسط ) = مجموع القيم / عدد القيم

و عدد القيم هو 23 لانها تبدأ من الواحد و مرتبه ورا بعض مافيه اي فرق بينها

و مجموعها 23 صح !

قلت اذن 23 /23 = 1

صح !!

..

و بس هذي اسئلتي و استفسآرآتي و يعطيكم العآفيه مقدما

و آسفه ع الاطاله ..

في امان الله و رعايته

http://test-q.com/up/uploads/test-q13371128201.gif

رد مع اقتباس