منتديات اختبارات القدرات والتحصيل والكفايات لــ أ.فهد البابطين

منتديات اختبارات القدرات والتحصيل والكفايات لــ أ.فهد البابطين (http://www.test-q.com/index.php)
-   :: منتدى الاختبارات التحصيلية للأقسام العلمية :: (http://www.test-q.com/forumdisplay.php?f=3)
-   -   مُـشكلـــــة - ضروري (http://www.test-q.com/showthread.php?t=21923)

عابرة سبيل 06-09-2013 07:26 PM

مُـشكلـــــة - ضروري
 
السلام عليكم ..... :msa22:
أحب أبارك للي اختبروا اليوم و افتكوا
استانسوا بعطلتكم ^^
و ادعولنا لسا فيه ناس راح تختبر - الإثنين - الثلاثاء - الأربعاء - الخميس

امممممم
عندي مشكله ، أنا ضعيفة شوي بالرياضيات :(
و اختباري يوم الأربعاء و مو معي وقت غير
باقي هاليوم و الإثنين و الثلاثاء

و خايفة كثير من قسم الرياضيات ، فساعدوني
وش تنصحوني أدرس منه ؟
أنا حاليا أدرس كتاب تحصيل 2 ، وشفت الاختبارات التجريبية اللي منزلها الموقع
و أشوف أسئلة اللي اختبروا اليوم

يكفي كذا ؟ أو في مصدر أو شيء مهم لازم أركز عليه ؟
و الرياضيات كثيرة و دسمة صراحة وش أكثر شيء أركز عليه
الجبر أو الهندسة أو sin و cos و لا إيش مررررررررة محتاااااااسه :(
أرشدوني الله يوفقكم

عابرة سبيل 06-09-2013 07:36 PM

ساعدوني الله يساعدكم
الوقت يروح وأنا مادرست شيء :( :( :(

كيتش 06-09-2013 07:40 PM

ركزي على المصفوفات واللوغرتمات ومصادرك ممتازه واصلي عليها وتزودي باللي تقدرين عليه وحاولي ترجعين للكتب الاساسيه حقت المناهج والرياضيات دفعه اليوم الي اختبروا يقولون ما جا منه كثير فا تطمني والله يفرحك بالنسبه الي ترضي خاطرك والتخصص اللي تبينه .

عابرة سبيل 06-09-2013 07:53 PM

تتكلم جد ..
وااااه ،، الله يطمن قلبك خوي مثل ما طمنت قلبي
و تدخل التخصص اللي تبيه إنت بعد قل آمين . :test-q13472834281:

رديس 06-09-2013 08:15 PM

والله عاد هذا انتي وش تقولين عني انا مافتحته الا الخميس ومو حيل كان مجرد تصفح ياخي هلكتني دراسة النهائي كله نوووووووم

وامتحاني بعد بكرة وقلبي الصغير لا يتحمل ومرة خايفة خصوصا الفيزياء والريضيات يعني لو جاني سؤال ما اقدر ارقعه ياخي احس الفيزياء ماهي شي درسته وصرت احس اني ما درست فيزياء لا قانون ولا تعريف موجود في مخي مدري وش اسوي واللي قالو ا اليوم مافي شي جا من تحصيل واختبارات المركز حطموني اكثر لاني اعتمدت في دراستي عليهم مدري كلامهم صح ولا هم من النوع اللي يحبون يوترون الناس بس

اما عالم الساين والكوزاين ما اعرف كيف نحسبهم بدون آله


ادعووووووولي يا شباب وبنات

املي بالله كبير خصوصا انو التحصيلي آخر فرصي في الحياة

عابرة سبيل 06-09-2013 08:18 PM

إي و الله يختي أم النككككككبه :("
قسسسم أحس مخي فاضي ، المعلومه مرت علي و كأنها ما مرت ، و إذا مرت أنساها
صدق من قال آفة العلم النّسيان
لا تخافي حبيبتي ، حنا تعبنا و اجتهدنا ، و الله ما بضيع عملنا ، لازم نبعد التوتر عننا ، و نخلي أملنا في الله كبير ..
و الله ما بخيب ظننا إن شاء الله .


الساعة الآن 11:44 AM

tracking statistics

Powered by vBulletin® Version 3.8.7
Copyright ©2000 - 2020, vBulletin Solutions, Inc. test-q.com

منتديات اختبارات القدرات والتحصيل بتصريح رقم : م ن / 208 / 1433

 

جميع ما ينشر في المنتدى لا يعبر بالضرورة عن رأي صاحب الموقع وإنما يعبر عن وجهة نظر كاتبه